انا حابدا بالزيت بتاع الغلابة الزجاجة 1لتر 10حنييه وزيت الذرة الكريستال 1لتر 11جنيه يللا سجلوا بقية الاسعار يا شباب مش عارف البلد رايحة لفين
عرض للطباعة
انا حابدا بالزيت بتاع الغلابة الزجاجة 1لتر 10حنييه وزيت الذرة الكريستال 1لتر 11جنيه يللا سجلوا بقية الاسعار يا شباب مش عارف البلد رايحة لفين
الفول وصل 8 جنيه
كرتونه البيض 18 جنيه.
الفراخ البيضاء 17جنيه العدس الاصفر 8جنيه اما ابو جبه مابحبوش
الفراخ البانية ب 33 جنية والطاووق 30 جنية - العيش الفينو المحترم من 50 وـنت طالع
علبة السمن البلدى 1.8 كيلو 60 جنيه وطالع ، زجاجة زيت الذرة 11 جنيه ، كيلو الارز المعبأ 4.5 جنيه وطالع ،كيلو الدقيق 4 جنيه ، فراخ بلدى الكيلو مدبوح 23 جنيه ، كيلو اللحم البلدي من 42 جنيه وطالع ، - ولسه ياما هانشوف - ، ربنا يرحمنا.
تحياتي
نشوف بعد اسبوعين اسعار العينات دى حتبقى بكام لو كان لينا عمر ان شاء الله
بص يا باشا تقدر كدة تضرب كل حاجة في 2 من السعر القديم
وفي سلع بتضرب في 3 وفي 4
العيش أبو شلن ... طابور نص كيلو يمين و نص كيلو شمال
العيش أبو ربع جنيه .... قد سندوتش الفول المدور
الحل.... و بعد طول إنتظار...
العيش البلدي بـ 50 قرش...
وصلي معلومات مش مهم مصدرها ان في خلال سنه سعر طن الحديد هيوصل تسعة الاف من الجنيهات وعجبي
والزيت في كام شهر هيوصل 18 جنيه وبردوا عجبي
والفاجأة ان العيش هيبقى على بطاقه التموين
ربنا يخليك لينا يالي في بالي ويحرسك لينا
ألموضوع اكبر من كده
ألخطوه الجايه ألغاء فئه معدومى الدخل من حسابات الحكومه
يعنى مشكفايه أن الناس عايشه على حد الكفاف لأ وكمان مش موجودين
فى حسابات الحكومه
..................... رايحه على فين يا بلد ................
يا جماعة والله فلوس دلوقتي مالهاش قيمة 500 او 600 جنيه في اي سوبر ماركت عشان حاجات تكفيك كام يوم بالعافية
بصراحة يا جماعة الموضوع بقي صعب جدا خاصة الاوضاع المادية والاقتصادية اللي الناس بتمر بيها. انا رايي بالنسبة لزيادة سعر حديد البناء واللي وصل سعرة ل 5500 جنية " ومش عارف لية" ان الناس اللي عمالة تبني عمال علي بطال ليل ونهار تخف شوية ونشوف هل السعر هاينزل ولا لا.
بالنسبة للطعام والشراب، انا من رايي الناس تعمل رجيم قاسي عشان من ناحية انة مفيد جدا والواحد كدة يبقي شكلة رشيق وحلو ومن ناحية تانية يحافظوا علي صحتهم. ما تشوفوا الاوروبيين ولا الفرنساويين ناس بتاكل علي القد لمن احنا ما شاء الله مابنرحمش.
سامحوني لو كان رايي دايق حد فيكم.. انا كمان محروق دي بس مش عارف اعمل اية.
حسبنا الله ونعم الوكيل
احنا فى البيت كنا بنغير الزيت بعد كل قليتين وكنت بتهكم على الزيت اللى باشوفه فى محلات الفول والطعمية لكن دلوقت باقول للمدام اشتغلى بالزيت لغاية مايتبخر .. اشمعنى احنا منا شامم ريحة بخار الزيت جاى من المناور من عند الجيران
لسه راجع من المحمل امبارح في زيارة اول الشهر
المدام : ناقص كذا وكذا وكذا
العبد لله : خدي المرتب كله وحاولي تكفي البيت اكل وشرب بس
المدام : والحل
العبد لله : اتصرفي بقي ان شا الله ناكل طوب
المدام : هو انت معرفتش ان توكيل الطوب خده عز وتوكيل الزلط خدة ابن ال ....
العبد لله : طب والتراب
المدام : بقم بيخلطوه في العيش عشان يكفي وبرضه الناس مش مكفيها
العبد لله : اروح الحق مدافن العيلة بقي احسن تتصادر مننا هيا كمان
سيناريو محتمل حاسس انه هايحصل قريب قوي قوي
الا لسه ماحدش عارف البلد رايحة على فين
(سيناريو محتمل حاسس انه هايحصل قريب قوي قوي
الا لسه ماحدش عارف البلد رايحة على فين)انا عارف..يا استاذ كريم ..فى داهية طبعا!
البلد رايحة تجيب أومو !
حتى هنا في السعودية الاسعار زادت جداً، كما تم زيادة الرواتب ب 5% "بدل غلاء المعيشة " للعاملين في الحكومة وتخفيض قيمة بعض المعاملات الحكومية.
ولكن يبقى الفرق في الدخل، وهل يتحمل غلاء المعيشة ام لا؟
أمثلة على الاسعار
5ك رز سابقا: من 10 :11 ريال--- حالياً من 15 : 16 ريال
2ك زيت ذرة 12 :13 ريال ---- حالياً من 16 : 17 ريال
والملابس وخلافه ....
جهة عملي في مصر عايزني ارجع فوراً وبترفض باستمرار تجديد الاجازة " أفلام ومسلسلات "
وكل ما افكر هرجع اعمل ايه ، اقول يا رب ، والحمد لله على كل حال.
البلد رايحة تجيب ورقة بوسطة
لا ولا الحديد
صحيح انه عدى ال 5400؟؟
الغريبة ياجماعة انه كله بقى يشتغل كله
يعني ممكن محل يبيع الحاجة ب 9 والتاني ب 10 والتالت ب 10 ونص ياباشا و هكذا
الفول اكل الغلابة بقى ب 8 جنيه؟
الله يمسيها بالخير امي
كانت لما يقرصني الجوع تقولي اعمل لك بيضتين تلاته على الأكل ما يستوي
كنت زمان بقى قبل الجواز واد أكيل
تخيلوا التصبيرة دي بقت تكلف بلوازمها حوالي 5 جنيه؟؟
مصر يامه ياضنايا......:confused:
الجبنة القريش كان الكيلو ب 12 بقى 15 فى اسبوع
لو تعرف حد بيبيع 5500 دلني عليه، احنا بنبني بس "عمال" مش "على بطال" :)
بدأنا نبني وهوب الحديد والاسمنت انضرب سعرهم في 2، وأزمة الحديد عاملها التجار، الحديد مالي المخازن ومش راضيين يبيعوا حتى على 5600، وعز منزل قايمة أسعاره النهاردة 4300 !! تخيل؟ 1400 جنيه مكسب ومش عاجبهم !!!
الخوف ان المقاول بدل مايحط 6اسياخ حديد فى عمود الخرسانة يلطش اربعة منهم ويحط اثنين وخد عندك انهيارات عمارات وعمار يا مصر
كل السلع الأساسية ارتفعت سواء العيش أو الجبن أو البيض أو الزيت أو السمن أو .........الأسمنت أو الحديد
لا حول و لا قوة إلا بالله